9 ივნისს, 16:00 საათზე თსუ პუბლიცისტიკისა და ელექტრონული მედია ცენტრისა და თსუ-ის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ერთობლივი ღონისძიება – წიგნის ,,ანტიკური სამყაროს ხიბლი – რისმაგ გორდეზიანი 80“ პრეზენტაცია გაიმართება, რომელიც ეძღვნება თსუ-ის ემერიტუს პროფესორის, აკადემიკოსის, ღვაწლმოსილი მეცნიერის რისმაგ გორდეზიანის დაბადების დღეს.
წიგნი ,,ანტიკური სამყაროს ხიბლი – რისმაგ გორდეზიანი 80“ მომზადებულია თსუ პუბლიცისტიკისა და ელექტრონული მედია ცენტრის მიერ პროექტ ,,პუბლიცისტური ნარკვევების“ ფარგლებში (ავტორი: ნინო კაკულია – ცენტრის ხელმძღვანელი, გაზეთ ,,თბილისის უნივერსიტეტის“ რედაქტორი).
ღონისძიების მეორე ნაწილი დაეთმობა 95 წლის გაზეთ ,,თბილისის უნივერსიტეტის“ საიუბილეო ღონისძიებას. გაიმართება ფილმის – ,,9 ძველი და 5 ახალი ამბავი გაზეთ ,,თბილისის უნივერსიტეტის” ისტორიიდან“ – ჩვენება.
ღონისძიებას დაესწრებიან თსუ-ის რექტორი გიორგი შარვაშიძე, საქართველოს განათლებისა და მეცნიერების მინისტრის პირველი მოადგილე თამარ მახარაშვილი, საქართველოს მეცნიერებათა ეროვნული აკადემიის ვიცე-პრეზიდენტი როინ მეტრეველი, საქართველოს პარლამენტიდან მოწვეული სტუმრები, თსუ-ის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დირექტორი, პროფესორი ლევან გიგინეიშვილი, თსუ-ის ადმინისტრაციის ხელმძღვანელი ლაშა საღინაძე, სხვადასხვა ტელეკომპანიისა და პრესის ჟურნალისტები, თსუ-ის პროფესორები, სტუდენტები და რისმაგ გორდეზიანის ოჯახის წევრები.
მისამართიი.ჭავჭავაძის გამზ.1, თსუ I კორპუსის სააქტო დარბაზის ფოიე
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…